Síðasta vika var virkilega spennandi hjá okkur en Rósa, Regína og Suzanne hittust í Hollandi til að taka á móti Sweet Salone vörum sem voru nýkomnar þangað frá Sierra Leone. Þær unnu að því alla vikuna að setja upp búð í Fairplaza, sem er miðstöð fyrir Fairtrade sölu og munu Sweet Salone vörur því nú vera fáanlegar á B2B markaði í Benelúx löndunum.
Seinnipart mánudags byrjaði hópurinn að setja saman húsgögn fyrir búðina og tóku síðan við nokkrir dagar þar sem tekið var úr kössum frá Sierra Leone og raðað upp með hönnuðinn hana Rósu í fararbroddi.
Við erum líka sérstaklega ánægð með nýju glæsilegu umbúðirnar sem Rósa hannaði sérstaklega fyrir Lettie Stuart Pottery vörurnar sem selja á í nýju búðinni og má sjá hér á mynd.
Við erum mjög stolt af búðinni sem er nú opin fyrir fyrirtækjaeigendur í Benelúx lönsunum sem selja vörur fyrir heimili, gjafavöru og fylgihluti.
Upplýsingar um Fairplaza
Fairplaza er business to business (b2b) verslunarmiðstöð þar sem sýnendur geta selt lífstíls -og heimilisvörur. Í miðstöðinni eru seldar vörur frá yfir 20 löndum og bætist nú Sierra Leone við listann. Flestar vörurnar eru Fairtrade, úr hringrásarhagkerfi og/eða sjálfbærar.
https://www.fairplaza.nl/aurora/
