Síðastliðinn föstudag lauk tölvukúrsi fyrir byrjendur í samvinnu við Alfred frá Byte Limited. Við fengum til okkar ellefu metnaðarfulla nemendur, sem margir hverjir lásu og undirbjuggu sig vel út frá námsefninu sem lá til grundvallar námskeiðinu!
Við lok námskeiðsins var okkur mikil ánægja að verðlauna þann nemanda sem hafði staðið sig best með fartölvu sem gefin var af Íslandsbanka. Við höfum notið þess að sjá áhugasemi nemendanna og vonumst til að sjá þau aftur eftir nokkrar vikur á millistigsnámskeiðinu okkar.
