Undanfarnar fjórar vikur hefur ideation námskeiðið okkar verið í gangi. Þátttakendurnir lærðu um frumkvöðlastarfsemi og hvernig hægt er að nota hugmyndavinnu (e. design thinking) til þess að koma auga á félagslegt vandamál og þróa við því viðeigandi lausn.
Þrátt fyrir stutt námskeið þá getum við með sanni sagt að þátttakendur hafi lagt sitt af mörkum við að skilgreina vandamál í samfélaginu sem þau vildu leysa. Þau unnu góða hugmyndavinnu í kringum vöru eða þjónustu sem þau vildu veita sem lausn á vandanum. Við vonumst til þess að hugmyndafræðin og aðferðirnar sem þau lærðu á námskeiðinu verði þeim hagnýtar og að þau nýti sér þær í framtíðar þróun á viðskiptahugmyndum sínum, þar sem mörg þeirra sýndu mikinn áhuga á slíku.
