Nýr samningur við GGEM undirritaður í dag

Aurora skrifaði undir nýjan lánasamning við Grassroots Gender Empowerment Movement (GGEM), sem er Microcredit fyrirtæki í Sierra Leone sem Aurora hefur stutt við frá árinu 2014.

Þetta er þriðji lánasamningurinn sem Aurora gerir við GGEM og er hann til fjögurra ára. Undanfarin ár hefur Aurora átt mjög gott samstarf við GGEM og fylgst náið með þróun lánveitinga og hvernig samstarfi við lánþega er háttað. Við höfum verið einkar ánægð með frammistöðu GGEM sem ekki einungis lánar frumkvöðlum og litlum og meðalstórum fyrirtækjum til reksturs og stækkunar heldur veitir þeim einnig aðstoð við þróun viðskiptaáætlunar og annars þess sem við á. Við erum stolt að geta enn á ný stutt við það frábæra starf sem GGEM stendur fyirr.


Formleg opnun á nýuppgerðu keramik verkstæði og skóla

Í gær var formlega tekið í notkun nýuppgert keramikverkstæði Lettie Stuart Pottery Center í Campbell Town, Waterloo, Sierra Leone. Til opnunarinnar var boðið öllum hagsmunaðilum í nærumhverfinu og var verkstæðið og fyrirhugaður keramikskóli kynntur fyrir þeim. Um eitt hundar manns mættu á opnunina og er mikil spenningur fyrir keramikskólanum.

Stoltir keramikerar og umsjónarkona verkstæðisins

Við hjá Aurora erum mjög spennt að sjá keramikverkstæðið lifna við og við erum viss að á næstunni muni streyma þaðan mikið af fallegum og vel gerðum keramikvörum sem við getum ekki beðið eftir að sýna ykkur og öllum hér í Sierra Leone.

 


1+1+1 hönnunarteymið er mætt á svæðið! Allaveganna hluti þess!

Sköpunargleðin hefur ráðið ríkjum hér í Freetown undanfarna daga þegar hluti 1+1+1 hönnunarteymisins hefur verið að hitta samstarfsaðila sína í Sweet Salone verkefninu. Mikið hefur verið rætt, hugmyndum deilt og jákvæðni og gleði verið í fyrrirúmi. Eldri vörur hafa verið fínpússaðar og prótótýpur af nýjum vörum eru í vinnuslu.

Kvikmyndateymi frá Íslandi hefur fylgt hönnuðunum hvert fótmál þar sem þau eru að taka upp heimildarþætti um HönnunarMars og fylgja í þáttunum nokkrum hönnuðum eftir.

Við hjá Aurora erum gífurlega spent að sjá allar þessar nýju vörur verða til og samstarfið í Sweet Salone verkefninu blómstra.