miglior portafoglio bitcoin consulenti di robot di trading migliori robot di trading di opzioni binarie crypto dove investire

Háskólinn í Sierra Leone fær gefins tölvubúnað frá Íslandi

Það var mikil gleði í Háskólanum í Sierra Leone þegar Aurora, í samstarfi við Arion banka og Samskip, afhenti skólanum 10 tölvur, 5 stóra skjái og ýmissan annan tölvubúnað. Afhendingin markaði upphaf að nýju tölvuverkefni Auroru en innan skamms mun verða haldið annað frítt tölvunámskeið, eftir vel heppnað námskeið fyrr á árinu. Þetta verkefni er samstarfsverkefni Auroru og Idt labs í Sierra Leone og Arion banka og Samskip á Íslandi. Arion banki gaf fjölmargar tölvur, stóra skjái og ýmissan tölvubúnað fyrir þetta verkefni og SAMSKIP hélt áfram stuðningi sínum frá því fyrr á árinu og gaf einnig ýmsan búnað auk þess sem SAMSKIP sá alfarið um að koma varningnum frá Reykjavík til Sierra Leone.

IMG_9453

Hluti af tölvuverkefninu að þessu sinni er að gefa Háskólanum í Sierra Leone tölvur og annan mikilvægan tölvubúnað fyrir háskólann. Dr. Fatmatta B. Taqi framvæmdastjóri Academic and Career Advisory & Counseling Services og Antoinette Turay sem einnig vinnur hjá háskólanum tóku á móti tölvubúnaðinum fyrir hönd skólans. Þær skiluðu miklu þakklæti frá upplýsingasviðið háskólans, en tölvubúnaður af hvaða tagi sem er, er vægast sagt af mjög skornum skammti í öllum þremur skólum háskólans. Háskólinn í Sierra Leone er sá elsti í allri Vestur Afríku og var stofnaður í febrúar árið 1827 og mun því fljótlega fagna 190 ára afmæli sínu.


Lokaskýrsla UNICEF um menntaverkefni í Sierra Leone

UNICEF gaf nýverið út skýrslu um árangur menntaverkefnis UNICEF og Aurora velgerðasjóðs í grunnskólum í Sierra Leone. Verkefnið lagði sérstaka áherslu á menntun bágstaddra barna, eins og þungaðra stúlkna og barna sem urðu hart úti vegna Ebólu faraldsins. Í verkefninu var unnið að þróun stefnu til að hvetja stúlkur til náms, börnum var veittur sálfræðistuðningur og handleiðsla, leitað var lausna til skráningar og eftirfylgni vegna barna sem falla utan skólakerfisins og loks var reynt að breyta viðteknum hefðum í menntakerfi Sierra Leone, t.d. beitingu líkamlegra refsinga.

Skolakrakkar 

Til verkefnisins var veitt tæplega 400 þúsund dollurum á árunum 2013–2015 en Sierra Leone er eitt fátækasta ríki heims. Nýlegur ebólufaraldur hefur aukið stórkostlega á vanda landsins, til dæmis þurfti að loka skólum tímabundið og erfitt hefur reynst að ná aftur til ákveðinna hópa barna. 

Aurora hefur unnið með og styrkt menntaverkefni UNICEF í Sierra Leone frá stofnun sjóðsins og nemur framlag Auroru samanlagt um 2,1m USD. Menntun telst til mannréttinda og er óumdeildur grunnur að uppbyggingu samfélagslegra gæða. Sjóðurinn taldi því brýnt að styrkja þetta mikilvæga verkefni.

Koidu

Stuðningur Aurora velgerðasjóðs gerir börnunum kleift að fá þá menntun sem þau eiga rétt á
Íslendingar eru lánssöm þjóð sem býr í gjöfulu og friðsælu landi þar sem mannréttindi eru virt og því kann að reynast erfitt að gera sér aðstæður í Sierra Leone í hugarlund. Óumdeilt er að þar er menntun besta leiðin til að auka hag kvenna og er menntun ekki síðri leið til að vernda börn gegn hvers konar misnotkun. Aurora velgerðasjóður hefur lagt áherslu á að styðja þennan málaflokk í Sierra Leone þar sem hið opinbera er þess ekki megnugt að tryggja aðgengi að menntun. Með því að taka þátt í menntaverkefninu er lagður traustari grunnur að framtíð landsins með félagsleg réttindi og frelsi að leiðarljósi.

Tumbaidu village2

Áhugasamir geta nálgast fréttir af þeim verkefnum sem Aurora styrkti hjá verkefnum UNICEF á vefnum www.UNICEF.is.

Við látum lokaorð skýrslunnar duga hér; „The support from the Aurora Foundation has directly contributed to increased access to quality education for children in Sierra Leone and a strengthened community participation in education. With the Aurora Foundation support, children will have their right to community-supported child- friendly quality education fulfilled.

On behalf of the children whose lives have transformed and improved because of the Aurora Foundation support and resolve, UNICEF extends its deepest gratitude and looks forward to continued cooperation to secure the right to education for even more children in Sierra Leone.“


Opnun á almenningssalernum við hátíðlega athöfn í Funkia, Goderich

Fimmtudaginn 3. nóvember voru almenningssalernin sem Aurora gaf íbúum Funkia, Goderich, opnuð við hátíðlega athöfn. Mikil stemning var við opnunarathöfnina og héldu þátttakendur í verkefninu tilfinningaþrungnar ræður um mikilvægi þess fyrir samfélagið að íbúarnir hefðu loks almennan aðgang að vatnssalernum. Í öllum ræðunum var mikið rætt um að láta samstarf íbúa Funkia og Auroru dafna og þróast á næstu misserum.


Nú er liðið um það bil ár síðan Aurora hóf verkefni sín í Goderich. Helsta verkefnið er rekstur á löndunarstöð og fiskvinnslu undir nafninu Neptune. Almenningssalernin ásamt nauðsynlegri skolp- og holræsagerð eru hluti stefnu Neptune um samfélagslega ábyrgð og þátttöku í nærsamfélaginu.

IMG_3932_x_acf_cropped