Þriðja tölvunámskeiðinu lokið

11.11.17

Nýlega lauk einnar viku tölvunámskeiði sem Aurora bauð upp á í Freetown, Sierra Leone. Námskeiðið var hið þriðja í röð tölvunámskeiða sem hófust sem tilraunaverkefni árið 2016. Markmið námskeiðanna, sem öll hafa verið afar vel heppnuð, er að gefa ungu fólki í Sierra Leone tækifæri til að öðlast færni og þjálfun í nútíma upplýsingatækni og almennri tölvunotkun.

Sem fyrr var Samskip samstarfsaðili Auroru í verkefninu, en að þessu sinni bættist Íslandsbanki í hóp aðstandenda þess með rausnarlegri tölvugjöf. Tveir starfsmenn Íslandsbanka ferðuðust til Sierra Leone til að fylgja námskeiðinu úr hlaði, og gaf bankinn 70 tölvur til verkefnisins. Í Sierra Leone naut verkefnið einnig stuðnings tveggja nýrra samstarfsaðila; fyrirtækisins Revolutum sem tók þátt í allri framkvæmd þess, og PCL International sem lagði fram kennara sem leiðbeindi á námskeiðinu af mikilli fagmennsku.

Gríðarlegur áhugi var á námskeiðinu og komust færri að en vildu. Yfir 300 manns sóttu um þátttöku en að þessu sinni voru teknir inn 70 nemendur. Aurora og aðrir aðstandendur námskeiðsins voru afar stoltir af því að geta boðið öllum þátttakendum á námskeiðið þeim að kostnaðarlausu og ljóst er að allt kapp verður lagt á að halda verkefninu gangandi og bjóða upp á fleiri námskeið í framtíðinni til að mæta mikilli eftirspurn.

Meðal nemenda voru algerir byrjendur, jafnt sem ungmenni með reynslu af tölvunotkun. Líkt og á fyrri námskeiðum fengu þau þjálfun í Microsoft Offie pakkanum og leiðbeiningar um markvissa og skynsamlega notkun internetsins.

Nemendurnir luku námskeiðsvikunni með því að halda kynningar sem reyndu á þá færni sem þeir höfðu öðlast á námskeiðinu. Eftir vel heppnaðar kynningar voru viðurkenningarskjöl afhent öllum þátttakendum við hátíðlega athöfn. Rausnarlegt framlag Íslandsbanka gerði okkur kleift að leysa hvern og einn þátttakenda námsskeiðsins einnig út með tölvu að gjöf, svo þeir gætu viðhaldið og bætt við þekkingu sína eftir lok námskeiðisins. Mikil fagnaðarlæti brutust út meðal nemenda við lok útskriftarathafnarinnar þegar tilkynnt var um gjafirnar, sem munu sannarlega koma þátttakendum verkefnis til góða í framtíðinni.

Lettie Stuart Pottery School Exhibition

Lettie Stuart Pottery School Exhibition

We are delighted to share the resounding success of the recent Pottery School Exhibition held at Lettie Stuart Pottery in Waterloo on March 14th. The event, hosted by Aurora Foundation, was a vibrant celebration of the remarkable progress achieved by the students of...

Business Model Canvas training – IR Bootcamp

Business Model Canvas training – IR Bootcamp

On March 12th, the Aurora Foundation Training Center buzzed with entrepreneurial energy as we hosted a dynamic Business Model Canvas training session tailored for IR Bootcamp startup businesses. Facilitated by our adept Aurora Impact Programme Manager, Mavis Madaure,...

Successful compelition of ICT Webpage Development Overview Course

Successful compelition of ICT Webpage Development Overview Course

We are excited to share the successful conclusion of our recent 2-week ICT Web Development overview and outline course, finalized on February 27th at the Aurora Office Training Center. Participants joined us on February 12th for a week-long exploration of ICT Webpage...