15.11.21

Útskrift þriðja árgangs pre-accelerator námsins!

Siðasta vika var annasöm hjá Aurora teyminu í Freetown þar sem sjóðurinn tók meðal annars að sér að vera, ásamt öðrum, gestgjafi viðburðarins Dare2Aspire sem var hluti af frumkvöðlaviku hér í borg en hér má lesa sér betur til um það.

Annar spennandi viðburður sem átti sér stað í vikunni var sýningardagur þeirra sem tekið hafa þátt í pre-accelerator náminu okkar og í kjölfarið útskrift þriðja árgangs námsins. Í tilefni útskriftarinnar buðum við einnig fyrri árgöngum að koma og sýna fyrirtæki sín; vörur og þjónustu sem þau hafa þróað. Fullt hús var af gestum og varð úr sannkölluð uppskeruhátíð fyrir nemendur, skipuleggjendur og gesti.

Við útskriftarathöfnina héldu Regína, framkvæmdastjóri sjóðsins og Suzanne, starfsmaður sjóðsins stuttar ræður og einnig héldu þau Hickmatu og Babardee úr útskriftarhópnum tölu. Aurora teymið er ákaflega stolt af því sem nemendurnir hafa afrekað unfanfarna mánuði og munum við halda áfram að styðja við þau og hvetja áfram að sínum markmiðum.