Sweet Salone markaður

Á föstudag og laugardag héldum við annan „pop-up“ markað í Freetown. Þar sem síðasti markaðurinn okkar „get-ready-for-Christmas“ gekk svo vel ákváðum við að halda annan markað áður en að rigningartímabilið hefst af fullum þunga.

Humu og Foday frá Lettie Stuart keramikverkstæðinu voru einnig á svæðinu og sýndu og seldu nýjustu vörurnar sínar. Yasmin Metz-Johnson (Yasmin Tells) var með póstkortin sín á sölu og á föstudeginum var Uman Tok með okkur að selja margnota tíðavörur þeirra.

Fyrir þá sem búa í Freetown og gátu ekki komið á markaðinn þá er ykkur alltaf velkomið að koma og versla á skrifstofuna okkar, alla virka daga á milli 10:00-16:00. Fyrir þá sem ekki eru búsettir í Sierra Leone er ykkur velkomið að versla á www.aurorawebshop.com


Mat á áhrifum Sweet Salone

Aurora hefur nú gefið út yfirlit sem sýnir áhrif Sweet Salone verkefnisins undanfarin ár. Verkefnið, sem tengir saman erlenda hönnuði og sierra leónískt handverkafólk, hefur vaxið jafnt og þétt frá því það byrjaði árið 2017. Frá árinu 2019 höfum við metið áhrifin sem verkefnið hefur á samstarfsaðila okkar hér í Sierra Leone. Þetta gerum við með því að safna saman mismunandi gögnum um framleiðslu og svo efnahags- og félagsstöðu samstarfsaðilanna. Áhrifamatið gefur þar með yfirsýn yfir stöðu fólksins og sýnir vöxt framleiðslunnar á hverju ári, auk nokkurra vitnisburða frá handverksfólkinu sem taka þátt í verkefninu.

Skoðaðu matið hér!

 

 


Viðskipti Uman Tok blómstra!

Í nóvember á síðasti ári þegar við héldum „Get-ready-for-Christmas“ markaðinn gáfum við 10% af allri sölu til sierra leóníska góðgerðarfélagsins Uman Tok. Það gladdi okkur því mjög að heyra þær fréttir að með gjöfinni hafa þau getað keypt mat fyrir klæðskerana, sem hjálpar verulega til við framleiðsluna. Gæði og magn tíðavaranna sem þau framleiða hefur aukist undanfarnar vikur og eins hefur eftirspurn eftir vörunum aukist gríðarlega!

Ef þú hefur áhuga á að lesa meira um það sem Uman Tok gerir eða villt styðja þau geturðu lesið um það hér.


Grein um Lettie Stuart Pottery Center og Sweet Salone verkefnið okkar

INSIGHT magazine heimsótti okkur hjá Auroru og fóru í vettfangsferð til Waterloo að heimsækja Keramikverkstæðið, Lettie Stuart Pottery til þess að kynnast betur Sweet Salone verkefninu okkar og einkum sögunni á bak við Keramikverkstæðið.

The Waterloo Potters of Sierra Leone – creativity from clay


Documentary about Hugdetta and Sweet Salone!

Recently we have released a documentary about Hugdetta, one of the designers that works with Aurora Foundation on the Sweet Salone project. Hugdetta is a product and interior design company based in the north of Iceland, and for this docmentary part of their work in Iceland as well as their trip to Sierra Leone has been documented.

Watch the full documentary below, in which we take you with us on their journey to Sierra Leone!


Aurora webshop!

Aurora hefur verið að taka virkan þátt í lista- og handverksiðnaðinum í Sierra Leone í gegnum Sweet Salone verkefnið undanfarin ár. Íslenskar hönnunarvörur framleiddar í Sierra Leone hafa verið seldar í hinum ýmsu búðum á Íslandi. Vörurnar eru afrakstur samstarfs íslenskra hönnuða og síerra leónískra handverksmanna, en hönnuðirnir hafa heimsótt Sierra Leone nokkrum sinnum undanfarin ár (þú getur lesið allt um Sweet Salone verkefnið hér).

IÞar sem við viljum styðja enn fremur við handverkaiðnaðinn og koma vörunum okkar frá Sierra Leone á stærri markað kynnum við stolt til leiks nýju vefsíðu www.aurorawebshop.com. Þar geturðu fundið flestar Sweer Salone vörurnar okkar, hannaðar af mismunandi hönnuðum, t.d. 1+1+1, As We Grow, og Hugdetta.

Ef þig langar til að kaupa eitthvað af vörunum, vinsamlegast hafðu samband við hönnuðinn með tölvupósti (þú getur nálgast netfangið í lýsingu á hverri vöru). Þar sem vefsíðan er ennþá á byrjunarstigi viljum við benda á að í augnablikinu mun hún aðeins virka sem gallerí og ekki er hægt að versla beint af síðunni. Þess vegna þarf að hafa samband við hvern hönnuð fyrir sig fyrir pantanir á vörum.

 


Dásamlegur eftirmiðdagur í Hönnunarsafni Íslands

Það var fullt út úr dyrum á Hönnunarsafni Íslands nú í dag þegar hönnunarverkefni  Auroru í Sierra Leone voru kynnt.

Aurora vill þakka  Guðbjörgu Káradóttir fyrir hennar frábæru kynningu og innsýni í hennar aðkomu að keramikverkefni Auroru og einnig Hönnunarsafninu fyrir að bjóða okkur að kynna verkefnin.

Allar vörur sem seldar eru undir merkjum Sweet Salone, sem er annað hönnunarverkefni Auroru, munu vera áfram til sölu í safnbúðinni á morgun, og ákveðið úrval áfram næstu vikur og mánuði.

Vörur sem hannaðar hafa verið undir merkjum Sweet Salone af íslensku hönnuðunum í hönnunarteymunum 1+1+1, KronKron og As We Grow fást í verslunum fyrnefndra hönnuða, en einnig í Geysir Heima á Skólavörðustíg og Aurum Bankastræti. Einnig er hægt að nálgast vörurnar í netsölu hjá viðkomandi hönnuðum.


1+1+1 hönnunarteymið er mætt á svæðið! Allaveganna hluti þess!

Sköpunargleðin hefur ráðið ríkjum hér í Freetown undanfarna daga þegar hluti 1+1+1 hönnunarteymisins hefur verið að hitta samstarfsaðila sína í Sweet Salone verkefninu. Mikið hefur verið rætt, hugmyndum deilt og jákvæðni og gleði verið í fyrrirúmi. Eldri vörur hafa verið fínpússaðar og prótótýpur af nýjum vörum eru í vinnuslu.

Kvikmyndateymi frá Íslandi hefur fylgt hönnuðunum hvert fótmál þar sem þau eru að taka upp heimildarþætti um HönnunarMars og fylgja í þáttunum nokkrum hönnuðum eftir.

Við hjá Aurora erum gífurlega spent að sjá allar þessar nýju vörur verða til og samstarfið í Sweet Salone verkefninu blómstra.

 


Ný myndbönd og youtube síða

Meginmarkmið verkefnisins Sweet Salone er að efla handverk og hönnun í Sierra Leone, meðal annars í gegnum samstarf við íslenska hönnuði. Til að kynna það öfluga handverksfólk sem við höfum starfað með í verkefninu, höfum við nú framleitt myndbönd þar sem þau segja frá störfum sínum og upplifun af samstarfinu.

Einnig hefur Aurora opnað sína eigin youtube rás þar sem við munum safna saman myndböndum gerðum um starfsemi sjóðsins. Sjón er sögu ríkari!


Nýtt veftímarit um samstarf 1+1+1 og Aurora

Norræna hönnunarteymið 1+1+1 gaf nýlega út glæsilegt veftímarit um samstarf þeirra við Aurora velgerðarsjóð. 1+1+1 hópurinn er samstarfsverkefni hönnunarteymisins Hugdettu frá Íslandi, Aalto+Aalto frá Finnlandi og hönnuðarins Petru Lilju frá Svíþjóð, en í sameiningu vinna þau að tilraunakenndum hönnunarverkefnum.

Samstarf 1+1+1 og Aurora hófst árið 2017 með þátttöku þeirra í verkefninu Sweet Salone, þar sem hópurinn hannaði nytjahluti sem nú hafa verið framleiddir af hæfileikaríku handverksfólki frá Sierra Leone úr þarlendum hráefnum.

Afrakstur samvinnunnar var húsbúnaðarlínan 1+1+1+Sweet Salone sem var frumsýnd á HönnunarMars 14. mars s.l. í Mengi. Í nýju vörulínunni mætast ólíkir heimar norrænnar hönnunar og afrísks handverks, og fékk hún frábærar viðtökur hjá þeim fjölda fólks sem mætti á opnunina. Sala á vörunum fór frábærlega af stað strax á fyrsta degi, enda um bæði nýstárlega og kraftmikla hönnun að ræða.

Upplifunin af Sierra Leone og samstarfið við afríska handverksfólkið hafði mikil áhrif á meðlimi 1+1+1 eins og kemur berlega fram í veftímaritinu sem er mjög fallega hannað og glæsilegt að allri gerð.

1+1+1+Sweet Salone vörulínan verður áfram til sölu í versluninni Geysir Heima.

 

 

 

 


Vel heppnuð opnun Sweet Salone & 1+1+1

Í gær opnaði á HönnunarMars, sýning á nýrri vörulínu sem hönnuð var af íslensk-finnsk-sænska hönnunarteyminu 1+1+1 og framleidd af handverksfólki frá Sierra Leone. Samvinna handverskfólksins og hönnuðanna er afrakstur verkefnisins Sweet Salone, sem Aurora velgerðarsjóður hóf árið 2017.

Fullt var út úr dyrum og salan á vörunum fór frábærlega af stað. Samstarfið milli Aurora, íslenskra hönnuða og handverksfólks í Sierra Leone hefur farið fram úr okkar björtustu vonum. Við hlökkum til áframhaldandi samstarfs og vöruþróunar í gegnum þetta verkefni sem skapað hefur atvinnu í Sierra Leone og tengt saman Sierra Leone og Ísland, þau lönd sem starfsemi Aurora fer fram í.

Vörurnar verða áfram til sölu í versluninni Geysir Heima. Einnig er hægt að hafa samband við okkur hjá Aurora velgerðasjóði ef fólk vill kynna sér verkefnið eða vörurnar betur. aurorafoundation@aurorafoundation.is

 

 


Velkomin á opnun Sweet Salone & 1+1+1

Við bjóðum ykkur velkomin á opnun Sweet Salone & 1+1+1 miðvikudaginn 14. mars kl. 17:00 í Mengi, Óðinsgötu 2.

Þá fögnum við samstarfi skandinavíska hönnunarteymisins 1+1+1 við handverksfólk í Sierra Leone.

1+1+1 er samstarfsverkefni hönnunarteymisins Hugdettu frá Íslandi, Aalto+Aalto frá Finnlandi og hönnuðarins Petru Lilju frá Svíþjóð.

Í nýrri vörulínu 1+1+1 mætast ólíkir heimar norrænnar hönnunar og afrísks handverks. Í gegnum samtal og samvinnu hefur skapast þekking og skilningur sem hefur víkkað sjóndeildarhring allra þátttakenda og stuðlað að bættum lífskjörum handverksfólksins.

Afraksturinn er sambland gleði, vonar, lærdóms og vináttu.

Mengi verður opið allan Hönnunar mars

14.mars: 17:00–19:00,  15-16.mars: 11:00–17:00,  17-18.mars: 12:00–17:00

Vörurnar verða einnig til sölu í Geysi Heima á Skólavörðustíg eftir að HönnunarMars líkur.

Nánari upplýsinar um verkefnið SWEET SALONE má finna hér.

 


Sweet Salone verkefnið hlýtur Hönnunarverðlaun Reykjavik Grapevine

Árleg hönnunarverðlaun tímaritsins Reykjavik Grapevine eru veitt til að vekja athygli á og viðurkenna það besta sem fram fer í hönnun á Íslandi. Það er því með miklu stolti sem við tilkynnum að verkefnið okkar Sweet Salone hlaut Reykjavik Grapevine hönnunarverðlaunin árið 2018 í flokknum Best varan – spennandi að fylgjast með.

Verkefnið Sweet Salone felst í að leiða samstarf hæfileikaríkra hönnuða við magnaðan hóp handverksfólks í Sierra Leone. Þátttakendur verkefnisins hafa verið íslensku hönnunarfyrirtækin As We Grow og Kron by Kronkron, og íslensk-finnsk-sænska hönnunarteymið 1+1+1.

Guðrún Ragna Sigurjónsdóttir frá As We Grow, Sigríður Sigurjónsdóttir verkefnastjóri Sweet Salone verkefnis, og Regína Bjarnadóttir framkvæmdastjóri Aurora velgerðarsjóðs tóku við verðlaununum sem voru afhent við hátíðlega athöfn.

Hjartans þakkir fær hinn frábæri hópur handverksfólks og hönnuða sem tekið hefur þátt í þessu fallega samstarfi af fórnfýsi, eljusemi og mikilli gleði. Reykjavik Grapevine fær sömuleiðis allra bestu þakkir fyrir viðurkenninguna sem er okkur mikil hvatning til að halda áfram með uppbyggingu Sweet Salone verkefnisins. Við hlökkum til framhaldsins, sem verður spennandi að fylgast með!


Góð sala á vörum úr Sweet Salone verkefninu

Sala á vörum sem hannaðar og framleiddar eru í samstarfi hönnunarfyrirtækjanna Kron by KronKron og As We Grow við handverksfólk í Sierra Leone, hefur farið fram úr okkar björtustu vonum.

Samstarfið er hluti af verkefninu Sweet Salone, sem Aurora velgerðarsjóður fór af stað með árið 2016, með það að markmiði að tengja saman Sierra Leone og Ísland, sem eru aðal starfsstaðir sjóðsins.

Vörulínurnar sem nú þegar hafa verið hannaðar og framleiddar, samanstanda af fatnaði og fylgihlutum fyrir börn og fullorðna, ásamt leikföngum. Hluti framleiðslunnar er nú þegar uppseldur og lagðar hafa verið inn pantanir að fleiri vörum.

Í framhaldi af heimsókn hönnuða Kron by KronKron og As We Grow til Sierra Leone, heimsótti íslensk-finnsk-sænski hönnunarhópurinn 1+1+1 landið og hófst þar með annar hluti Sweet Salone verkefnisins. Við bíðum spennt eftir að sjá árangurinn af samstarfi 1+1+1 hópsins og afríska handverksfólksins, sem frumsýnt verður á HönnunarMars um miðjan marsmánuð 2018.

En í bili óskar Aurora ykkur öllum gleðilegra jóla!


Fullt út úr dyrum

Við erum gífurlega þakklát fyrir frábærar viðtökur á opnun ljósmyndarsýningar Auroru SENSE OF PLACE til að fagna 10 ára afmæli sjóðsins og á kynningu á verkefni okkar Sweet Salone sem haldin var miðvikudaginn 15.nóvember sl. Fullt var út úr dyrum og sala á vörum, sem hannaðar eru af samstarfsaðilum Auroru KronKron og AsWeGrow og framleiddar af handverksfólki í Sierra Leone, fór mjög vel af stað. Samstarfið milli okkar, hönnuðana og handverksfólksins í Sierra Leone hefur farið fram úr okkar björtustu vonum og hlökkum við mikið til að halda áfram að þróa nýjar vörur, skapa atvinnu í Sierra Leone og tengja betur saman þessa tvo heima sem Aurora starfar í: Sierra Leone og Ísland.

Vörurnar verða áfram til sölu í verslun KronKron á Laugavegi 63B. Einnig er hægt að hafa samband við okkur hjá Aurora velgerðasjóði ef fólk vill kynna sér verkefnið eða vörurnar betur aurorafoundation@aurorafoundation.is

Ljósmyndarinn Birta Ólafsdóttir

 


Velkomin á Sweet Salone og á ljósmyndasýninguna Sense of place

Í tilefni af tíu ára afmæli Auroru velgerðasjóðs bjóðum við ykkur velkomin á SWEET SALONE miðvikudaginn 15. nóvember kl. 18.00 í versluninni KronKron, Laugavegi 63 (gengið inn frá Vitastíg).

Þá fögnum við litríku samstarfi tveggja íslenskra hönnunarfyrirtækja, As We Grow og Kron by KronKron við handverksfólk í Sierra Leone.

Við trúum því að í gegnum samtal og samvinnu verði til þekking og skilningur sem víkkar sjóndeildarhringinn og stuðlar að bættum lífskjörum fólks.

Samtímis opnar ljósmyndasýning Birtu Ólafsdóttur, Sense of place. Birta hefur fangað stemningu vinnuumhverfisins í Sierra Leone með áhrifamiklum hætti.

Á þessum myndum hefur hún valið augnablik þegar alger kyrrð ríkir í rýminu. Áhorfandinn skynjar tímann fyrir og eftir andartakið á ljósmyndinni. Við sjáum engan en finnum fyrir fólkinu sem þarna starfar og skilur eftir ákveðna stemningu þrátt fyrir að hafa brugðið sér frá. Hér er sem sagt verið að ljósmynda andrúmsloft. Óáþreifanlegt fyrirbæri sem er til í óendanlegum útfærslum og segir allt án þess að segja nokkuð.

Ljósmyndasýningin stendur til 15. janúar.

Nánari upplýsingar um verkefnið SWEET SALONE má finna hér.

 

 


Nýtt verkefni í Sweet Salone

Aurora hefur ýtt úr vör nýju og spennandi verkefni sem felst í því að byggja brú á milli hönnuða og handverksfólks í þeim tveimur löndum sem Aurora hefur unnið hvað mest í, þ.e. Íslandi og Sierra Leone. Þetta er gífurlega spennandi verkefni og það hefur verið hrein unun að fylgjast með samvinnu þessara aðila, hvernig þau hafa deilt þekkingu og reynslu, tekið á nýjum áskorunum og þróað nýjar vörur.

Íslensku hönnuðirnir koma frá Kron by Kron Kron og As We Grow og í Sierra Leone höfum við unnið með yfir tíu mismunandi hönnuðum og handverksfólki sem flest eru að selja vörur sínar á tveimur helstu mörkuðum Freetown.