Skemmtilegar vikur á Lettie Stuart keramik verkstæðinu

Gaman er að segja frá því að auk Peter Korompai, er Guðbjörg Káradóttir mætt til Sierra Leone og mun hún vera hérna í rúman einn og hálfan mánuð. Guðbjörg þekkir keramik verkstæðið vel og vann með teyminu þegar hún heimsótti Sierra Leone fyrir tvem árum (þú getur lesið meira um þá heimsókn hér!). Í þessari heimsókn mun Guðbjörg leggja áherslu á að þróa nýjar vörur og hjálpa til við að auka framleiðslugetu verkstæðisins.

 


Útskrift hjá nemendum í Lettie Stuart keramik skólanum!

Síðastliðinn laugardag útskrifuðust átta nemendur úr Lettie Stuart keramik skólanum. Skólinn, sem átti að vera aðeins 18 mánuðir, hófst fyrir tæplega 2 árum, en vegna COVID þurfti að loka keramik verkstæðinu í nokkra mánuði. Varð þetta þar með að 2 ára ferðalagi. Við erum gífarlega stollt af þeirri elju og áhuga sem þau hafa lagt í námið sitt. Við byrjuðum með 10 nemendur og í lokinn útskrifuðust 8. Það gleður okkur mikið að sjá svona marga ná að klára skólann í heild sinni.

Við viljum þakka öllum þeim sem hjálpuðu okkar að gera námskeiðið að veruleika: Guðbjörgu Káradóttur og Halldóru Jóhönnu Þorláksdóttur, sem hjálpuðu okkur að hanna og búa til námskránna, Mr. Zamzow og Mrs. Gardner frá American International School of Freetown, sem hjálpuðu til með stærðfræðikennslu, Yasmin Metz-Johnson, sem kenndi nemendunum um markaðssetningu, Guðbjörgu Káradóttur (aftur!) og Peter Korompai, leirkerasmiðir frá Íslandi og Ungverjalandi sem hafa varið miklum tíma með nemendunum og deilt með þeim þekkingu og hjálpað verkstæðinu að vaxa og dafna, Tinna Gunnarsdóttir, prófessor við Listaháskólann sem kenndi nokkra vikna námskeið þar sem fókusinn var á að hugsa út fyrir boxið og vera skapandi. Síðast en ekki síst viljum við svo þakka SLADEA, en án þeirra myndi keramikverkstæðið ekki vera til.

Og að lokum eiga kennararnir og leirkerasmiðirnir sjálfir á Lettie Stuart skilið stórt hrós fyrir vinnu sína síðastliðin tvö ár, bæði fyrir að þróa verkstæðið áfram og kennsluna! Þau hafa svo sannarlega staðið sig vel.


Það er alltaf fjör á Lettie Stuart Pottery!

Í síðustu viku kláraðist síðasta vikan af 18 mánaða keramik skólanum. Nemendurnir hafa klárað lokaprófin sín og notuðu síðustu vikuna til að klára verkin sem þau munu sína í útskriftinni í febrúar. Þetta er stór áfangi fyrir keramik verkstæðið að sjá fyrsta árganginn útskrifast og verður spennandi að sjá framhaldið. Við hjá Aurora erum afar stolt að hafa gert skólann að veruleika, jafnvel þótt að heimsfaraldur hafi sett smá strik í reikninginn.

Í síðustu viku mætti einnig Peter Korompai, leirkerasmiður frá Ungverjalendi í sinni þriðju ferð til Sierra Leone. Hann mun eyða næstu 3 mánuðum á keramikverkstæðinu og mun hjálpa til við rannsóknir á mismunandi leir og öðrum efnum og hjálpa verkstæðinu að skipuleggja sig fyrir framtíðina.

Allir fundir eru núna haldnir utandyra til að tryggja amk. 1 metra fjarlægð!


Nýr samningur milli SLADEA og Auroru undirritaður

Nýlega skrifuðu Aurora velgerðasjóður og Sierra Leone Adult Education Association (SLADEA) undir nýjan samstarfsamning varðandi rekstur á Lettie Stuart Pottery og Leirkeraskólanum og inniheldur samningurinn m.a. stuðning frá Utanríkisráðuneyti Íslands.

Nýji samningurinn tekur í gildi nú í nóvember og er fram til aprílloka 2021. Meginmarkmið samningsins er að vinna að því að gera keramikverkstæðið sjálfbært til framtíðar. Peter Korompai og Guðbjörg Káradóttir keramikerar munu starfa fyrir hönd Auroru á tímabilinu og aðstoða við ýmsar rannsóknir ásamt því að leiðbeina á verkstæðinu og aðstoða við að auka framleiðslugetu þess. Þau þekkja vel til verkstæðisins enda hafa þau stutt við uppbyggingu þess undanfarin tvö ár.

Við erum þess fullviss að keramikverkstæðið eigi bjarta framtíð og erum full tihlökkunar að halda áfram samstarfinu.

Við undirskrift samningsins: frá vinstri – Mrs. Rugiatu Kamara Chairlady SLADEA Waterloo Branch, Mr. Bamike Williams Executive Secretary SLADEA og Regina Bjarnadottir Executive Director Aurora foundation.

Grein um Lettie Stuart Pottery Center og Sweet Salone verkefnið okkar

INSIGHT magazine heimsótti okkur hjá Auroru og fóru í vettfangsferð til Waterloo að heimsækja Keramikverkstæðið, Lettie Stuart Pottery til þess að kynnast betur Sweet Salone verkefninu okkar og einkum sögunni á bak við Keramikverkstæðið.

The Waterloo Potters of Sierra Leone – creativity from clay


Marketing sessions at Lettie Stuart

Last week, Yasmin Metz-Johnson, founder of Yasmin Tells, visited the Lettie Stuart Pottery Centre in Waterloo, where she led a workshop on how to market the pottery products! With the festive season (and its Christmas markets around Freetown) coming up in a few weeks, the team and students engaged in an interactive morning during which Yasmin organized exercises on how to present the products best, how to mix and match different colours and shapes, and how to deliver customer service.

We are looking forward to seeing the results of the workshop be put into practice!

 


Solar energy at the pottery centre!

Some people might know that Aurora’s office has been equipped with a large solar grid from Easy Solar, but did you know that we also work with Easy Solar to power the Lettie Stuart Pottery Centre in Waterloo?

Due to the fact that Waterloo is not part of the national grid, it was necessary to use a generator and diesel to use the necessary machines. However, this was not a sustainable solution. Therefore, we decided to use clean energy and install a solar grid on the roof, which makes it possible to have lights in the centre 24/7! Even during dark days in the rainy season, the centre is powered with lights and enough energy is left to use machinery and other equipment, such as a computer and a fridge. Using this form of clean energy has definitely improved the working environment for everyone working at the centre.

View the full video, which was made by Easy Solar, here:


Nýtt ár, ný námskeið!

Við hefjum nýja árið með dúndur krafti!

Síðastliðnar tvær vikur hafa Eva María Árnadóttir og Tinna Gunnarsdóttir verið að kenna tvö námskeið í Síerra Leóne. Á meðan Eva var að kenna fatahönnunarnámskeið í sjálfbærni og sköpunargáfu á skrifstofunni okkar í Freetown var Tinna að kenna námskeið á Lettie Stuart keramikverkstæðinu þar sem áherslan var að tjá sig og hugsa út fyrir kassann.

Fatahönnunarnámskeiðið var haldið á skrifstofunni okkar í Freetown. Eva hóf námskeiðið á því að efla sköpunaferlið með því að búa til mood boards og teikna og skissa.

Í framhaldinu áttu nemendurnir að hanna nýja flík eða fylgihlut. Auk þess kenndi Eva nemendunum hvernig markaðssetja á vörur og hvernig best er að ná til ákveðinna markhópa í gegnum t.d. samfélagsmiðla.

Á meðan Eva var að kenna á námskeiðinu í Freetown, ferðaðist Tinna til Waterloo á hverjum degi. Hóf hún námskeiðið sitt með æfingum í að auka sköpunargleðina og notaðist hún mikið við liti og málningu.

Í gegnum námskeiðið færðist svo áherslan á að þróa eitthvað nýtt úr leirnum og á rennibekknum. Útkoman var stórkostleg og endaði námskeiðið á magnaðri sýningu með vörum sem nemendurnir bjuggu til.

 

Bæði námskeiðin voru studd af Erasmus+ og voru þau samstarfsverkefni Listaháskóla Íslands og Auroru.

 


Formleg opnun á nýuppgerðu keramik verkstæði og skóla

Í gær var formlega tekið í notkun nýuppgert keramikverkstæði Lettie Stuart Pottery Center í Campbell Town, Waterloo, Sierra Leone. Til opnunarinnar var boðið öllum hagsmunaðilum í nærumhverfinu og var verkstæðið og fyrirhugaður keramikskóli kynntur fyrir þeim. Um eitt hundar manns mættu á opnunina og er mikil spenningur fyrir keramikskólanum.

Stoltir keramikerar og umsjónarkona verkstæðisins

Við hjá Aurora erum mjög spennt að sjá keramikverkstæðið lifna við og við erum viss að á næstunni muni streyma þaðan mikið af fallegum og vel gerðum keramikvörum sem við getum ekki beðið eftir að sýna ykkur og öllum hér í Sierra Leone.

 


Annasamar vikur í Lettie Stuart Pottery

Undanfarnar tvær vikur hefur Lettie Stuart Pottery iðað af lífi. Nýtt verkefni er í smíðum hjá Auroru – en það er að koma leirkeraverkstæðinu í Campbell Town, Sierra Leone, í fullan gang á ný ásamt því að starfrækja þar skóla. Guðbjörg Káradóttir og Halldóra Þorláksdóttir hafa verið að vinna undanfarnar vikur með keramikerum af svæðinu þeim Brima Koroma, Fatmata Lakoh og Mohamed A Sesay. Þau síðarnefndu munu sjá um alla kennslu í skólanum, en þau starfrækja einni keramikverkstæðið og sjá um alla framleiðslu.

Unnið var nótt og dag þessar tvær vikur og náði teymið einnig að heimsækja annað lítið keramikverkstæði í Mambolo. Lettie Stuart Pottery var tekið í gegn á meðan 18 mánaða prógram fyrir skólann var hannað. Einnig voru gerðar ýmsar tilraunir með bæði leir, glerjung og brennslu en allt hráefni kemur úr nærumhverfinu. Það var mikil jákvæð orga og gleði við völd allan tímann sem teymið starfaði saman og erum við sannfærð um að þetta verkefni eigi eftir að blómstra.

Fatmata sparkar af fullum krafti

Guðbjörg hannar eina af nýju vörunum sem verður til sölu í Lettie Stuart Pottery

Brima heldur eldinum í ofninum við – en brennslan tekur hálfan sólarhring og þarf að vaka stöðugt yfir honum

Mohamed undirbýr þurrkun á leirnum

Muhamed og Fatmata sigta þurrkaðan leirinn

Mat lagt á gæði glerjungsins

Málin rædd

Vel heppnuð brennsla – blómavasarnir tilbúnir, en þeir eru partur af Sweet Salone verkefni Auroru og eru vasarnir hannaðir af 1+1+1

Heimsókn til Mambolo Pottery Center

Leir sóttur út í mýri

Keramikerinn Mr. Otaim hjá heimagerða ofninum sínum

Kveðjuhóf fyrir Guðbjörgu og Halldóru