Tveggja mánaða tímabili nemenda frá Listaháskóla Íslands í Freetown er hafið!

Nemendur frá Listaháskóla Íslands eru komnir til Freetown og munu þau dvelja hér og læra og vinna næstu tvo mánuði, en þetta verkefni er styrkt af Erasmus+. Eva María Árnadóttir, sviðsforseti arkitektúrs, hönnunar og myndlistar við Listaháskólann, kom með þeim í upphafi mánaðar, en hún heldur utan um þetta verkefni fyrir hönd Listaháskólans.

Þau Guðrún, Kamilla og Þorlákur, nemendur í annars vegar vöruhönnun og hins vegar arkitektúr við Listaháskóla Íslands komu til Freetown fyrir rúmum tveimur vikum og hafa nú þegar tekið þátt í ýmsum verkefnum. Þau héldu meðal annars utan um vikulangt námskeið í Lettie Stuart Pottery Centre í síðustu viku þar sem þau unnu með keramikerunum að teikningu og sköpunaraðferðum fyrir keramikgerð. Þau heimsóttu einnig Brama town og kynntust þar vefurunum, sem vefa allar körfur og lampa fyrir Sweet Salone verkefni Auroru. Þar lærðu þau hvernig bambusinn er undirbúinn og svo notaður í vefnaðinn og fengu þau að spreyta sig við sína eigin körfugerð. Þau hafa einnig hitt fjöldan allan af handverksfólki og heimsóttu helstu markaði Freetown.

Þau heimsóttu einnig Izelia, sem er Sierra Leonísk fatahönnunar brand, þar sem þau hittu fyrir Isatu Harrison, stofnanda Izelia. En þau munu vinna með henni og halda námskeið með klæðskerum Izelia á næstunni. Nemendurnir munu einnig taka þátt og leiða ýmis námskeið sem falla undir Aurora Impact sem við munum deila frá á næstunni.

Eva hefur nú kvatt okkur og var för hennar heitið aftur til Íslands, en við erum henni ákaflega þakklát fyrir hennar framlag og samstarf undanfarin tvö ár. Við erum einstaklega ánægð með að hún hafi getað komið hingað og hitt okkur og eytt tíma með fyrrum Sierra leónískum nemendum sínum hér í Freetown. En Eva kom hingað fyrir tveimur árum ásamt Tinnu Gunnarsdóttur, prófessor í vöruhönnun við sama listaháskóla (hér er hægt að lesa sér til um það) þar sem þær héldu námskeið og lögð grunn að komu nemenda frá Listaháskólanum til Freetown. Listaháskólanemendurnir, Kamilla, Guðrún og Láki, eru hins vegar rétt að hefja sinn tíma hér og á næstu vikum munuð þið sjá meira frá þeim hér og á samfélagsmiðlum okkar þar sem við munum deila frá þeim spennandi verkefnum sem þau taka að sér!


Annað „Ideation Programme“!

Þar sem fyrsta prógrammið gekk svo vel gátum við ekki beðið eftir að halda nýtt námskeið!

Umsóknir fyrir prógrammið hafa opnað og mun það hefjast 17. maí. Hægt er að skoða skalið fyrir neðan fyrir frekari upplýsingar, eða senda skilaboð á WhatsApp á +232 (0)79 72 85 74!


Fyrsta „Ideation Programme“!

Síðastliðnar 4 vikur höfum við haft ánægju af því að vinna með níu ötulum nemendum sem tóku þátt í nýja „Ideation“ prógramminu okkar. Prógrammið stendur yfir í fjórar vikur og er kennt 2x í viku. Á þeim tíma förum við yfir svokallað „design thinking“. Nemendunum er skipt í hópa og velur hver hópur fyrir sig eitthvert samfélagslegt vandamál sem hann vill leysa með stofnun fyrirtækis. Hver hópur þarf að taka viðtöl við hugsanlega kúnna, finna út réttu lausninar, gera áætlanir og gera prufueintak af vörum sínum.

Námskeiðið er ætlað nemendunum sem eru að taka sín fyrstu skref sem frumkvöðlar. Námskeiðið er gífurlega gagnvirkt og krefst mikillar og lifandi þátttöku nemenda. Við vonum að námskeiðið hafi vakið áhuga nemendanna á frumkvöðlastarfsemi og erum mjög spennt að sjá hverjir halda áfram að þróa viðskiptahugmyndirnar sínar!

Þar sem námskeiðið gekk svo vel munum við halda annað eins námskeið á næstunni.


New programs at Aurora Impact in 2021!

As we write this post, we are almost halfway through the program with the second Cohort of our pre-accelerator programme! We are very excited to see the number of applicants (and interest) rise for this program, as well as to see the different business ideas that people submit. However, we have also identified a need for another program – a program that offers people the chance to experience and learn about entrepreneurship, for those people that do not necessary already have a business idea in mind.

Therefore, Aurora Foundation will be launching a new program in January 2021. With a four-week ideation program, we aim to familiarize people with entrepreneurship and help them to identify a need in the market, with the goal to spark their interest in entrepreneurship. Twice a week, students will engage in group sessions to discover, test and validate a business idea.

Currently applications are open and people are welcome to apply via the link below. Any questions can be addressed to sr@aurorafoundation.is .


Nýtt ár, ný námskeið!

Við hefjum nýja árið með dúndur krafti!

Síðastliðnar tvær vikur hafa Eva María Árnadóttir og Tinna Gunnarsdóttir verið að kenna tvö námskeið í Síerra Leóne. Á meðan Eva var að kenna fatahönnunarnámskeið í sjálfbærni og sköpunargáfu á skrifstofunni okkar í Freetown var Tinna að kenna námskeið á Lettie Stuart keramikverkstæðinu þar sem áherslan var að tjá sig og hugsa út fyrir kassann.

Fatahönnunarnámskeiðið var haldið á skrifstofunni okkar í Freetown. Eva hóf námskeiðið á því að efla sköpunaferlið með því að búa til mood boards og teikna og skissa.

Í framhaldinu áttu nemendurnir að hanna nýja flík eða fylgihlut. Auk þess kenndi Eva nemendunum hvernig markaðssetja á vörur og hvernig best er að ná til ákveðinna markhópa í gegnum t.d. samfélagsmiðla.

Á meðan Eva var að kenna á námskeiðinu í Freetown, ferðaðist Tinna til Waterloo á hverjum degi. Hóf hún námskeiðið sitt með æfingum í að auka sköpunargleðina og notaðist hún mikið við liti og málningu.

Í gegnum námskeiðið færðist svo áherslan á að þróa eitthvað nýtt úr leirnum og á rennibekknum. Útkoman var stórkostleg og endaði námskeiðið á magnaðri sýningu með vörum sem nemendurnir bjuggu til.

 

Bæði námskeiðin voru studd af Erasmus+ og voru þau samstarfsverkefni Listaháskóla Íslands og Auroru.

 


Námskeið í samstarfi við Listaháskóla Íslands

Á tímabilinu 9.-12. janúar 2020 mun Aurora í samstarfi við Listaháskóla Íslands halda námskeið í fatahönnun.

Áherslan á námskeiðinu verður á sköpunargáfu og sjálfbærni og eiga nemendurnir eingöngu að notast við endurunnið efni til að þróa nýjar vörur. Þátttakendurnir verða hvattir til að hugsa út fyrir kassan og bæta þessum nýju og skapandi hugsunarháttum við vinnuaðferðirnar sínar. Einnig verður farið yfir hvernig þeir geta birt og markaðssett vörurnar sínar á nýjan hátt.

Þar sem eitt af markmiðunum er að örva skapandi hugsun höfum við ákveðið að meðhöndla umsóknir fyrir þetta námskeið á öðruvísi hátt en vanalega. Fólk getur keppt um sæti á námskeiðinu með því að hanna bol eða skyrtu sem er innblásin af einhverjum sem þeir líta upp til, og má flíkin aðeins vera búin til úr endurunnri flík og/eða textíl. Umsóknarfrestur er til 15. nóvember og erum við mjög spennt að sjá vörurnar sem verða sendar inn!