Við fögnum Kraumsverðlaununum með tónleikaseríu í Mengi

Á föstudaginn sl. hófst ný tónlistaröð í Mengi þar sem fagnað er þeim hljómsveitum sem tilnefnd voru til Kraumsverðlaunana í fyrra. Þetta er samstarf Auroru velgerðasjóðs og Mengi, en Mengi sér um að skipuleggja og halda viðburðinn.

Tónleikarnir verða haldnir mánaðarlega fram að tilkynningu næsta Kraumslista í desember. Í hverjum mánuði munu koma fram tvær hljómsveitir/tónlistarmenn sem voru tilnefndir árið 2020.

Ingibjörg Elsa Turchi og Asalaus (Ása Annu Ólafsdóttir) voru fyrstar til þess að stíga á svið og hófu þessa seríu heldur betur með stæl!


Aurora og Mengi í samstarf

Aurora og Mengi hafa nýlega skrifað undir samstarfssamning til tveggja ára. Mengi er fjölnota viðburðarými á Óðinsgötu 2 sem rekið er af listamönnum og hefur skipað sér sess sem mikilvægur vettvangur fyrir listviðburði af ýmsum toga. Mengi er ekki rekið í hagnaðarskyni heldur er um að ræða hugsjónafélag þar sem tilgangurinn er að stuðla að nýsköpun og grasrót og hlúa að arfleifð skapandi lista, hugsunar og samstarfs.

Aurora mun styrkja Mengi næstu tvö árin og mun Mengi hýsa nokkra viðburði á vegum Auroru á sama tímabili.