Grein um Lettie Stuart Pottery Center og Sweet Salone verkefnið okkar

INSIGHT magazine heimsótti okkur hjá Auroru og fóru í vettfangsferð til Waterloo að heimsækja Keramikverkstæðið, Lettie Stuart Pottery til þess að kynnast betur Sweet Salone verkefninu okkar og einkum sögunni á bak við Keramikverkstæðið.

The Waterloo Potters of Sierra Leone – creativity from clay


Aurora skrifa undir samning við Utanríkisráðuneyti Íslands

Aurora er stolt að kynna að við nýlega skrifuðum undir samning við Utanríkisráðuneyti Íslands um samfjármögnun til frekari uppbyggingu á Lettie Stuart Pottery (LSP) í Sierra Leone. Verkefnið kallast Handleiðsla, fyrstu skrefin í sjálfbærum rekstri Lettie Stuart Pottery og miðast við að koma leirkeraverkstæðinu í sjálfbært rekstrarhorf.

Aurora velgerðasjóður er búinn að byggja upp, ásamt samstarfsaðilum, vel starfhæft leirkeraverkstæði rétt fyrir utan Freetown, höfuðborg Sierra Leone. Þar hefur einnig verið settur á laggirnar skóli þar sem nemendur læra að verða leirkerasmiðir.

Með stuðningi frá Utanríkisráðuneytinu mun Aurora fá liðsinni tveggja frábærra leirkerasmiða Guðbjörgu Káradóttur og Péter Korompai, sem munu dvelja á verkstæðinu samanlagt í 3 mánuði við handleiðslu og rannsóknir. Þau hafa bæði áður unnið fyrir Auroru og gefið mikilvægan stuðning við að koma verkstæðinu á laggirnar og aðstoðað við keramikskólann.

Að gera LSP að sjálfbæru verkstæði til framtíðar, sem getur haldið áfram að þjálfa ungt fólk, einkum konur, í framleiðslu leirmuna er lóð á vogarskálina á móti gífurlegu atvinnuleysi sem er landlægt í Sierra Leone. Hráefni til framleiðslu og eftirspurn eru til staðar og svigrúm fyrir mun fleiri starfandi leirkerasmiði í landinu. Með því að styrkja stoðir LSP eykst fjölbreytni í iðnaði og handverki og tækifæri skapast fyrir ungt fólk að koma undir sig fótum og sjá sér farborða til framtíðar. Með þessu verkefni er komið inn á fjölmörg heimsmarkmið Sameinuðuþjóðanna, einkum markmið 4, 8 og 9 um menntun fyrir alla, góða atvinnu og hagvöxt og nýsköpun og uppbyggingu.

Leirkeraverkstæðið er mjög einstakt og ekki mörg verkstæði í Afríku sem státa af getu til hábrennslu og þekkingu heimamanna til að búa til góða keramikvöru. Þetta verkefni er því ekki einungis atvinnuskapandi og áhugavert að því leiti heldur einnig er verið að ýta undir að varðveita handverk og þekkingu í landinu sem og að taka hana á næsta stig. Vörur handunnar í Sierra Leone úr hráefni frá nærumhverfinu eiga því mikið markaðstækifæri á heimsvísu núna þegar kröfur um sjálfbærni og uppruna handverks verða stöðugt háværari.

Sierra Leone Adult Education Association (SLADEA) er samstarfsaðili Auroru í Sierra Leone og rekur verkstæðið.

Ágústa Gísladóttir, Utanríkisráðuneyti Íslands, Regína Bjarnadóttir, Aurora velgerðasjóður

Solar energy at the pottery centre!

Some people might know that Aurora’s office has been equipped with a large solar grid from Easy Solar, but did you know that we also work with Easy Solar to power the Lettie Stuart Pottery Centre in Waterloo?

Due to the fact that Waterloo is not part of the national grid, it was necessary to use a generator and diesel to use the necessary machines. However, this was not a sustainable solution. Therefore, we decided to use clean energy and install a solar grid on the roof, which makes it possible to have lights in the centre 24/7! Even during dark days in the rainy season, the centre is powered with lights and enough energy is left to use machinery and other equipment, such as a computer and a fridge. Using this form of clean energy has definitely improved the working environment for everyone working at the centre.

View the full video, which was made by Easy Solar, here:


Dásamlegur eftirmiðdagur í Hönnunarsafni Íslands

Það var fullt út úr dyrum á Hönnunarsafni Íslands nú í dag þegar hönnunarverkefni  Auroru í Sierra Leone voru kynnt.

Aurora vill þakka  Guðbjörgu Káradóttir fyrir hennar frábæru kynningu og innsýni í hennar aðkomu að keramikverkefni Auroru og einnig Hönnunarsafninu fyrir að bjóða okkur að kynna verkefnin.

Allar vörur sem seldar eru undir merkjum Sweet Salone, sem er annað hönnunarverkefni Auroru, munu vera áfram til sölu í safnbúðinni á morgun, og ákveðið úrval áfram næstu vikur og mánuði.

Vörur sem hannaðar hafa verið undir merkjum Sweet Salone af íslensku hönnuðunum í hönnunarteymunum 1+1+1, KronKron og As We Grow fást í verslunum fyrnefndra hönnuða, en einnig í Geysir Heima á Skólavörðustíg og Aurum Bankastræti. Einnig er hægt að nálgast vörurnar í netsölu hjá viðkomandi hönnuðum.


Keramikverkstæðið hefur heldur betur fengið góðan liðsauka

Síðastliðnar vikur hafa verið annasamari en vanalega hjá Lettie Stuart leirkeraverkstæðinu. Sólarsellur hafa verið settar á þakið og er þar með loksins komið rafmagn á verkstæðið, til að geta keyrt nauðsynlegan búnað, veitt lýsingu á skýjuðum dögum og kælt drykki!

Mikilvægast er þó að minnast á komu tveggja snillinga, sem eru reyndir og frábærir leirkerasmiðir og hafa þeir nú gengið til liðs við teymið til að aðstoða við kennslu, þróa nýjar vörur og best af öllu, byggja nýjan brennsluofn!

Rétt eftir páska kom Peter Korompai, leirkerasmiður frá Ungverjalandi, og mun hann eyða einum mánuði á keramikverkstæðinu sem sjálfboðaliði. Verkefnin hans eru meðal annars að aðstoða við rannsóknir á mismunandi leir og glerungi og hjálpa til við kennsluna. Mestur tími hans hefur þó farið í að byggja nýjan brennsluofn. Með hjálp frá sierra leonísku leirkerasmiðunum og nemendum hefur hann náð að smíða ofninn, múrstein fyrir múrstein og er nýi ofninn þrisvar sinnum stærri en sá gamli.

Í síðustu viku bættist svo Guðbjörg Káradóttir í hópinn, leirkerasmiður frá Íslandi sem er að koma í sjálfboðavinnu á verkstæðið í annað sinn, og verður hún einnig í heilann mánuð. Í síðustu heimsókn hannaði hún, ásamt öðrum íslenskum leirkerasmiði Halldóru Þorláksdóttur, og leirkerasmiðunum í Sierra Leone; Brima, Mohamed og Fatmata nýja kennslunámskrá fyrir skólann. Einnig hjálpaði hún til við að endurskipuleggja verkstæðið og gera það tilbúið fyrir opnun skólans. Núna er hún m.a. að hjálpa til við kennsluna, bæta nokkrar vörur, gera prófanir á mismunandi leir og aðstoða við frekari endurskipulagningu á verkstæðinu.

Koma þeirra beggja hefur gefið bæði kennurunum og nemendunum á verkstæðinu mikla hvatningu og er gaman að sjá brennandi áhugann. Það er alltaf líf og fjör á hverjum degi og er gleðin og hamingjan í loftinu áþreifanleg. Við erum virkilega ánægð með hvernig þetta verkefni hefur þróast og höfum fulla trú á því að teymið á Lettie Stuart leirkeraverkstæðinu muni ná að halda velgengninni áfram.


Keramikskólinn kominn á fullt

Lettie Stuart keramikskólinn hóf kennslu núna í byrjun mars 2019. Tíu spenntir nemendur komu saman á fyrsta degi skólans og voru þau kynnt fyrir starfsfólki Lettie Stuart leirkeraverkstæðisins og var farið í gegnum kennsluáætlunina.

Námskeiðið er nú komið á fullt skrið og virðast nemendurnir strax búnir að læra heilmikið. Þeir eru mjög áhugasamir fyrir því að gerast alvöru leirkerasmiðir og var hápunktur mánaðarins að fá að prófa keramik rennibekkina. Við erum spennt að fylgjast með framvindunni og sjá verkefnin þeirra lifna við á næstu mánuðum.


Formleg opnun á nýuppgerðu keramik verkstæði og skóla

Í gær var formlega tekið í notkun nýuppgert keramikverkstæði Lettie Stuart Pottery Center í Campbell Town, Waterloo, Sierra Leone. Til opnunarinnar var boðið öllum hagsmunaðilum í nærumhverfinu og var verkstæðið og fyrirhugaður keramikskóli kynntur fyrir þeim. Um eitt hundar manns mættu á opnunina og er mikil spenningur fyrir keramikskólanum.

Stoltir keramikerar og umsjónarkona verkstæðisins

Við hjá Aurora erum mjög spennt að sjá keramikverkstæðið lifna við og við erum viss að á næstunni muni streyma þaðan mikið af fallegum og vel gerðum keramikvörum sem við getum ekki beðið eftir að sýna ykkur og öllum hér í Sierra Leone.

 


Annasamar vikur í Lettie Stuart Pottery

Undanfarnar tvær vikur hefur Lettie Stuart Pottery iðað af lífi. Nýtt verkefni er í smíðum hjá Auroru – en það er að koma leirkeraverkstæðinu í Campbell Town, Sierra Leone, í fullan gang á ný ásamt því að starfrækja þar skóla. Guðbjörg Káradóttir og Halldóra Þorláksdóttir hafa verið að vinna undanfarnar vikur með keramikerum af svæðinu þeim Brima Koroma, Fatmata Lakoh og Mohamed A Sesay. Þau síðarnefndu munu sjá um alla kennslu í skólanum, en þau starfrækja einni keramikverkstæðið og sjá um alla framleiðslu.

Unnið var nótt og dag þessar tvær vikur og náði teymið einnig að heimsækja annað lítið keramikverkstæði í Mambolo. Lettie Stuart Pottery var tekið í gegn á meðan 18 mánaða prógram fyrir skólann var hannað. Einnig voru gerðar ýmsar tilraunir með bæði leir, glerjung og brennslu en allt hráefni kemur úr nærumhverfinu. Það var mikil jákvæð orga og gleði við völd allan tímann sem teymið starfaði saman og erum við sannfærð um að þetta verkefni eigi eftir að blómstra.

Fatmata sparkar af fullum krafti

Guðbjörg hannar eina af nýju vörunum sem verður til sölu í Lettie Stuart Pottery

Brima heldur eldinum í ofninum við – en brennslan tekur hálfan sólarhring og þarf að vaka stöðugt yfir honum

Mohamed undirbýr þurrkun á leirnum

Muhamed og Fatmata sigta þurrkaðan leirinn

Mat lagt á gæði glerjungsins

Málin rædd

Vel heppnuð brennsla – blómavasarnir tilbúnir, en þeir eru partur af Sweet Salone verkefni Auroru og eru vasarnir hannaðir af 1+1+1

Heimsókn til Mambolo Pottery Center

Leir sóttur út í mýri

Keramikerinn Mr. Otaim hjá heimagerða ofninum sínum

Kveðjuhóf fyrir Guðbjörgu og Halldóru