Aurora gefur boli til barna í Susan‘s Bay

Fyrir nokkrum vikum varð hræðilegur bruni í Susan‘s Bay, fátækrarhverfi við sjávarsíðu Freetown. Í síðustu viku heimsóttum við staðinn til að gefa börnum á svæðinu stuttermaboli. Hverfið er heimili rúmlega 4,500 manns og eitt stærsta óformlega hverfið í borginni. Húsakofarnir eru mjög þétt byggðir, mannmergðin mikil og nánast engar götur, því átti slökkviliðið í miklum erfiðleikum með að nálgast staðinn. Talið er að um 200 heimili hafi eyðilagst og í kringum 7000 manns hafa orðið fyrir áhrifum brunans á einn eða annan hátt..

Bolina fengum við gefins frá Íslandsbanka.


Gjöf til Ola During Barnaspítalans

Í gær fóru Veronica og Suzanne á vegum Aurora í heimsókn til Ola During Barnaspítalans í Freetown til að gefa þeim sex tölvur, skjái og aukahluti. Tölvurnar verða notaðar til að þjálfa starfsfólkið þeirra og verða einnig notaðar á bókasafni starfsmannanna. Við viljum þakka Samskip fyrir að gera þessa gjöf að veruleika!


Tölvur fyrir Kvennafangelsi!

Í gær heimsóttum við Freetown Female Correctional Center (FFCC) og gáfum þeim fjórar tölvur fyrir tölvuverið þeirra.

FFCC er eitt af kvennafangelsunum í Sierra Leone, upphaflega byggt fyrir 18 konur en í dag eru þar 68 konur sem eru annaðhvort að afplána dóm eða bíða dóms. Með hjálp AdvocAid bíður FFCC m.a. upp á saumanámskeið, lestrarnámskeið og tölvunámskeið. Í augnablikinu eru þau aðeins með sex tölvur en 18 konur sóttu tölvunámskeiðið og er því kennt bæði á morgnanna og seinnipartinn. Með fjórum auka tölvum geta núna fleiri konur tekið þátt í tölvunámskeiðinu, sem mun hjálpa þeim mikið er þær fá frelsið á ný.

Við ákváðum einnig að styðja beint við AdvocAid með því að gefa þeim eina tölvu fyrir fjármálateymið þeirra í Freetown. Þar sem stofnunin þeirra hefur farið vaxandi hafa starfsmenn þurft að deila með sér tölvum. Við viljum þakka SAMSKIP á Íslandi fyrir að gefa okkur tölvurnar, án þeirra hefðum við ekki getað veitt þessa aðstoð.

 


Aurora styður við Technovation Girls!

Technovation eru alþjóðleg frjáls félagasamtök sem einblína á að styrkja ungar stúlkur og fjölskyldur þeirra með  tæknimenntun. Technovation er með verkefni og námskeið út um allan heim fyrir stelpur á aldrinum 10-18 ára, þar sem þær öðlast færni í að verða tæknifrumkvöðlar og leiðtogar. Tölurnar sýna að eftir að hafa lokið námskeiði hjá Technovation hafa 58% stúlknanna skráð sig í tölvunarfræði.

Stelpurnar vinna í litlum hópum með leiðbeinanda. Frá árinu 2009 hafa yfir 10.000 stelpur tekið þátt í námskeiðum hjá Technovation í yfir 78 löndum, og hafa 1700 smáforrit verið búin til af þátttakendum Technovation.

Í ár kom Technovation í fyrsta sinn til Sierra Leone og er Aurora velgerðasjóður stoltur styrktaraðili Technovation Girls í Sierra Leone. Auk fjárframlaga hefur Aurora útvegað þeim sex fartölvur, sem Íslandsbanki hafði gefið Auroru. Tölvurnar verða notaðar af stúlkunum til að öðlast grunnkóðunarhæfileika og til að þróa símaforrit sem eiga að leysa raunveruleg vandamál.


Aurora afhendir Leaders Collage 20 tölvur fyrir nýtt tölvuver

Í dag færði Aurora velgerðasjóður Leaders Collage 20 tölvur til þess að geta tekið nýtt tölvuver í notkun. Tölvuverið mun hljóta nafnið Leaders’ College – Aurora Foundation Lab. Paul Jibateh og Babatunde Lewis frá Leaders Collage veittu tölvunum viðtöku fyrir hönd skólans og þökkuðu Auroru kærlega fyrir samstarfið, með ósk um að þetta væri bara upphafið að farsælu samstarfi þar sem þeir væru tilbúnir að aðstoða Auroru við námskeiðishald í framtíðinni.

Leaders’ College býður upp á margvísleg námskeið og diplómur til að mynda í ferðamálafræði, tölvufræði og frumkvöðlafræði.

Það var SAMSKIP sem gerði þessa gjöf mögulega en þeir gáfu Auroru tölvurnar fyrr á árinu og sáu um að koma þeim til Freetown. Við þökkum SAMSKIP kærlega fyrir samstarfið.

 


Life by Design fær gefins tölvur

Þriðji og síðasti hlutinn af tölvuverkefninu sem Aurora hefur staðið fyrir nú í haust í samvinnu með SAMSKIP, Arion banka og Idt labs, átti sér stað nú í morgun þegar Aurora afhenti Life by Design fimm tölvur.

Life by Design er miðstöð í Freetown, Sierra Leone, fyrir ungt fólk og frumkvöðla sem eru að taka sín fyrstu skref í atvinnulífinu. Markmið miðstöðvarinnar er einkum tvennt: annars vegar að styðja við unga frumkvöðla með því að veita þeim 3-6 mánaða handleiðslu við að m.a. setja upp viðskiptaáætlun og stíga fyrstu skrefin nauðsynleg til þess að setja upp fyrirtæki, hins vegar að aðstoða ungt fólk sem er að taka sín fyrstu skref á atvinnumarkaðinum, m.a. með þjálfun í að fara í starfsviðtöl og leiðbeina við gerð ferilskrár.

Tölvurnar sem afhentar voru í morgun verða notaðar til þess að setja upp lítið tölvuver þar sem skjólstæðingar Life by Design munu hafa aðgang að tölvum til þess að vinna verkefnin sín og geta þá notið beinnar handleiðslu starfsfólks miðstöðvarinnar.Life By Design 2

 

 


Háskólinn í Sierra Leone fær gefins tölvubúnað frá Íslandi

Það var mikil gleði í Háskólanum í Sierra Leone þegar Aurora, í samstarfi við Arion banka og Samskip, afhenti skólanum 10 tölvur, 5 stóra skjái og ýmissan annan tölvubúnað. Afhendingin markaði upphaf að nýju tölvuverkefni Auroru en innan skamms mun verða haldið annað frítt tölvunámskeið, eftir vel heppnað námskeið fyrr á árinu. Þetta verkefni er samstarfsverkefni Auroru og Idt labs í Sierra Leone og Arion banka og Samskip á Íslandi. Arion banki gaf fjölmargar tölvur, stóra skjái og ýmissan tölvubúnað fyrir þetta verkefni og SAMSKIP hélt áfram stuðningi sínum frá því fyrr á árinu og gaf einnig ýmsan búnað auk þess sem SAMSKIP sá alfarið um að koma varningnum frá Reykjavík til Sierra Leone.

IMG_9453

Hluti af tölvuverkefninu að þessu sinni er að gefa Háskólanum í Sierra Leone tölvur og annan mikilvægan tölvubúnað fyrir háskólann. Dr. Fatmatta B. Taqi framvæmdastjóri Academic and Career Advisory & Counseling Services og Antoinette Turay sem einnig vinnur hjá háskólanum tóku á móti tölvubúnaðinum fyrir hönd skólans. Þær skiluðu miklu þakklæti frá upplýsingasviðið háskólans, en tölvubúnaður af hvaða tagi sem er, er vægast sagt af mjög skornum skammti í öllum þremur skólum háskólans. Háskólinn í Sierra Leone er sá elsti í allri Vestur Afríku og var stofnaður í febrúar árið 1827 og mun því fljótlega fagna 190 ára afmæli sínu.


Aurora heldur tölvunámskeið og gefur 85 tölvur til ungmenna í Sierra Leone

Aurora velgerðarsjóður í samstarfi með SAMSKIP og Idt labs héldu frítt tölvunámskeið fyrir 85 ungmenni í Freetown, höfuðborg Sierra Leone. Unga fólkið sótti vikulangt námskeið um notkun internetsins og helstu forrita á borð við Excel og Word. Að námskeiðinu loknu voru allir leystir út með viðurkenningaskjal og tölvu til eigin nota. Mikið þakklæti og ánægja var með þetta verkefni og voru margir að komast í kynni við tölvu í fyrsta sinn.

Þetta verkefni var tilraunaverkefni hjá Auroru velgerðasjóð, tilraunaverkefni sem gekk vonum framar. Það er því von okkar að við getum fengið önnur fyrirtæki í lið með okkur og endurtekið þetta verkefni, því þörfin er mikil.
Sjá nánar um verkefnið hér.