Námskeið í samstarfi við Listaháskóla Íslands

Á tímabilinu 9.-12. janúar 2020 mun Aurora í samstarfi við Listaháskóla Íslands halda námskeið í fatahönnun.

Áherslan á námskeiðinu verður á sköpunargáfu og sjálfbærni og eiga nemendurnir eingöngu að notast við endurunnið efni til að þróa nýjar vörur. Þátttakendurnir verða hvattir til að hugsa út fyrir kassan og bæta þessum nýju og skapandi hugsunarháttum við vinnuaðferðirnar sínar. Einnig verður farið yfir hvernig þeir geta birt og markaðssett vörurnar sínar á nýjan hátt.

Þar sem eitt af markmiðunum er að örva skapandi hugsun höfum við ákveðið að meðhöndla umsóknir fyrir þetta námskeið á öðruvísi hátt en vanalega. Fólk getur keppt um sæti á námskeiðinu með því að hanna bol eða skyrtu sem er innblásin af einhverjum sem þeir líta upp til, og má flíkin aðeins vera búin til úr endurunnri flík og/eða textíl. Umsóknarfrestur er til 15. nóvember og erum við mjög spennt að sjá vörurnar sem verða sendar inn!


Aurora afhendir Leaders Collage 20 tölvur fyrir nýtt tölvuver

Í dag færði Aurora velgerðasjóður Leaders Collage 20 tölvur til þess að geta tekið nýtt tölvuver í notkun. Tölvuverið mun hljóta nafnið Leaders’ College – Aurora Foundation Lab. Paul Jibateh og Babatunde Lewis frá Leaders Collage veittu tölvunum viðtöku fyrir hönd skólans og þökkuðu Auroru kærlega fyrir samstarfið, með ósk um að þetta væri bara upphafið að farsælu samstarfi þar sem þeir væru tilbúnir að aðstoða Auroru við námskeiðishald í framtíðinni.

Leaders’ College býður upp á margvísleg námskeið og diplómur til að mynda í ferðamálafræði, tölvufræði og frumkvöðlafræði.

Það var SAMSKIP sem gerði þessa gjöf mögulega en þeir gáfu Auroru tölvurnar fyrr á árinu og sáu um að koma þeim til Freetown. Við þökkum SAMSKIP kærlega fyrir samstarfið.

 


Fyrsta námskeiðið á Wilkinson Road hafið

Í morgun hófu 19 nemendur fyrsta tölvunámskeiðið á Wilkinson Road! Þau muna vera með okkur á skrifstofunni næstu 3 vikurnar og á þeim tíma læra allt sem er hægt að vita um Word, Excel, Powerpoint og Google Docs!


Utanríkisráðherra Íslands og föruneyti heimsækir Auroru í Sierra Leone

Sendinefnd frá utanríkisþjónustu Íslands, þar á meðal utanríkisráðherra Guðlaugur Þór Þórðarson heimsótti skrifstofu Auroru velgerðasjóðs í Freetown. Þar fengu þau fræðslu um störf Auroru í Sierra Leone undanfarin 12 ár og sérstaklega um þau verkefni sem Aurora er að vinna að núna sem snúa að því að byggja brú milli Íslands og Sierra Leone.

Pétur Skúlason Waldorff, Martin Eyjólfsson og Eva Thengils

Regína að segja frá verkefnum Aurora í Sierra Leone

Engilbert Guðmundsson fyrrum yfirmaður Alþjóðabankans í
Sierra Leone og Regína Bjarnadóttir framkvæmdastjóri Auroru velgerðasjóðs