corretto centro di negoziazione cos laggiustamento nel trading di opzioni red dead onlne quick money migliori piattaforme per comprare azioni opzioni di business

Aurora velgerðasjóður styrkir Tau frá Tógó um hálfa milljón

Aurora velgerðasjóður hefur undanfarið fært athygli sína í auknum mæli að þróunarmálum. Þessi misserin er starfsemi sjóðsins umtalsverð í Sierra Leone en sjóðurinn lætur enn til sín taka á öðrum svæðum. 

Nýjasta framlag Auroru er til handa Tau frá Tógó. Fyrirhugað er að senda fatahönnuðinn Elvu Káradóttir til Tógó til að leiðbeina nemendum á saumastofu systur Victorine í Aného, Tógó, við að sauma kvenflík.  Helga Björnsson, fyrrum hönnuður hjá tískuhúsi Louis Féraud, hannaði flíkina en Elva útfærði hana. Elva hefur mikla reynslu á þessu sviði enda vinnur hún reglulega fyrir tískuhúsin Nina Ricci og Chanel. 

Saumastofan er helsta tekjulind heimilis fyrir munaðarlaus börn og nokkurs konar iðnskóli fyrir elstu börn þess. Tau frá Tógó hefur stutt við heimilið með því að kaupa vefnaðarvörur og selja á Íslandi og hafa vörurnar vakið töluverða athygli.

Verkefni sem þetta veitir nemendum mikilvæga þjálfun og eykur færni þeirra og bjargir. Nemendur kynnast öllu ferli framleiðslunnar, með móttöku á sniði og frumgerð yfir í afhendingu á fullunninni vöru. Einnig kynnast þau fleiri hliðum framleiðslunnar sem snýr að útflutningi og tollskýrslugerð.


Life by Design fær gefins tölvur

Þriðji og síðasti hlutinn af tölvuverkefninu sem Aurora hefur staðið fyrir nú í haust í samvinnu með SAMSKIP, Arion banka og Idt labs, átti sér stað nú í morgun þegar Aurora afhenti Life by Design fimm tölvur.

Life by Design er miðstöð í Freetown, Sierra Leone, fyrir ungt fólk og frumkvöðla sem eru að taka sín fyrstu skref í atvinnulífinu. Markmið miðstöðvarinnar er einkum tvennt: annars vegar að styðja við unga frumkvöðla með því að veita þeim 3-6 mánaða handleiðslu við að m.a. setja upp viðskiptaáætlun og stíga fyrstu skrefin nauðsynleg til þess að setja upp fyrirtæki, hins vegar að aðstoða ungt fólk sem er að taka sín fyrstu skref á atvinnumarkaðinum, m.a. með þjálfun í að fara í starfsviðtöl og leiðbeina við gerð ferilskrár.

Tölvurnar sem afhentar voru í morgun verða notaðar til þess að setja upp lítið tölvuver þar sem skjólstæðingar Life by Design munu hafa aðgang að tölvum til þess að vinna verkefnin sín og geta þá notið beinnar handleiðslu starfsfólks miðstöðvarinnar.Life By Design 2

 

 


Til hamingju vinningshafar Kraumsverðlaunanna 2016!

Við óskum handhöfum Kraumsverðlaunanna 2016 hjartanlega til hamingju!

Alvia Islandia – Bubblegum Bitch

Amiina – Fantomas

GKR – GKR

Gyða Valtýsdóttir – Epicycle

Kælan mikla – Kælan mikla

Páll Ívan frá Eiðum – This is my shit

Þetta er í níunda sinn sem Kraumur tónlistarsjóður Auroru stendur fyrir afhendingu Kraumsverðlaunanna fyrir þær íslensku hljómplötur sem þykja hafa skarað fram úr á árinu hvað varðar gæði, metnað og frumleika.

Kraumsverðlaunin eru ekki bundin ákveðinni tónlistarstefnu og þeim fylgja engir undirflokkar. Allar útgáfur íslenskra listamanna eru gjaldgengar til verðlaunanna – hvort sem þær koma út á geisladisk, vínyl eða á netinu.

Alls hafa nú 39 hljómsveitir og listamenn hlotið Kraumsverðlaunin frá því þau voru fyrst veitt árið 2008. Frekari upplýsingar um Kraumsverðlaunin og fyrri verðlaunahafa má finna hér.

Greinilegt er að mikil gróska er í íslensku tónlistarlífi hvað útgáfurstafsemi varðar í ár, enda fór dómnefndin í gegnum 200 íslenskar plötur og útgáfur sem komu út á árinu við val sitt á Kraumsverðlaununum 2016.

DÓMNEFND

Kraumslistinn og Kraumsverðlaunin eru valin af fjórtán manna dómnefnd sem skipuð er fólki sem hefur margvíslega reynslu af því að fjalla um, spila og vinna með íslenska tónlist í fjölmiðlum og á öðrum vettvangi. Dómnefndina í ár skipa;

Árni Matthíasson (formaður), Andrea Jónsdóttir, Anna Ásthildur Thorsteinsson, Alexandra Kjeld, Arnar Eggert Thoroddsen, Benedikt Reynisson, Berglind Sunna Stefánsdóttir, Heiða Eiríksdóttir, Helga Þórey Jónsdóttir, Hildur Maral Hamíðsdóttir, Jóhann Ágúst Jóhannsson, Tanya Pollock, Trausti Júlíusson og Óli Dóri.

Kraumslistinn 2016 – Úrvalslisti Kraumsverðlaunanna

Alvia Islandia – Bubblegum Bitch

Amiina – Fantomas

Andi – Andi

Aron Can – Þekkir stráginn

Arve Henriksen, Hilmar Jensson, Skúli Sverrisson – Saumur

asdfhg – Kliður

Bára Gísla – Brimslóð

CYBER is CRAP – EP

EVA808 – Psycho Sushi

GKR – GKR

Glerakur – Can’t You Wait

Gyða Valtýsdóttir – Epicycle

Indriði – Makril

Kef LAVÍK – Vesæl í kuldanum

Kuldaboli – Vafasamur lífstíll

Kælan mikla – Kælan mikla

Naðra – Allir vegir til glötunar

Pascal Pinon – Sundur

Páll Ívan frá Eiðum – This is my shit

Reykjavíkurdætur – RVK DTR

Samaris – Black Lights

Sigrún Jónsdóttir – Hringsjá

Snorri Helgason – Vittu til

Suð – Meira Suð

Tófa – Teeth Richards

 


Tölvunámskeið endurtekið

Fyrr á þessu ári fór Aurora af stað með tilraunaverkefni í tölvukennslu í samstarfi við fyrirtækin iDT Labs og Samskip. Námskeiðið heppnaðist með eindæmum vel og því var ákveðið að endurtaka leikinn. Að þessu sinni bættist Arion banki í hóp samstarfsaðila og farið var af stað með nýtt vikulangt námsskeið.

Færri komust að en vildu, en alls sóttu yfir 400 ungir frumkvöðlar, námsmenn og önnur ungmenni um þau 69 pláss sem laus voru til umsóknar að þessu sinni. Aðstandendur voru afar stoltir af því að geta boðið öllum þátttakendum á námskeiðið þeim að kostnaðarlausu og ljóst er að allt kapp verður lagt á að halda verkefninu gangandi og bjóða upp á fleiri námskeið.

Lokaverkefni námskeiðisins, sem lauk nú í vikunni, voru kynningar sem nemendur héldu og reyndu á þá færni sem þeir höfðu hlotið þjálfun í á námskeiðinu. Kynningarnar voru vel heppnaðar og fóru margar hverjar langt fram úr væntingum. Að þeim loknum voru viðurkenningarskjöl afhent öllum þátttakendum við hátíðlega athöfn.

Rausnarlegt framlag Arion banka og Samskipa gerði okkur kleift að leysa hvern og einn þátttakenda námsskeiðsins út með tölvu að gjöf, svo þeir geti viðhaldið og bætt við þekkingu sína eftir lok námskeiðisins. Tilkynnt var um gjöfina við lok útskriftarathafnarinnar og brutust út mikil fagnaðarlæti.

Samstarfsaðilar okkar, Arion banki, Samskip og iDT Labs fá enn og aftur bestu þakkir fyrir sitt framlag í þessu mikilvæga verkefni sem veitti þátttakendum tækifæri sem markar tímamót í lífi þeirra.